नवरा- बायकोत भांडण, वाद होणे अगदी साहजिक आहे. अनेकदा नवर्‍याच्या काही गोष्टी बायकोच्या मनात घर करतात आणि तिची वागणूक बदलते पण नवर्‍याला याबद्दल जाणीव देखील होत नाही. अनेकदा जाणीव असली तरी ती तिचं मूड आपोआप चांगलं होईल असे गृहीत धरून नवरा स्वत:चा घोडा अडत नाही तोपर्यंत तिच्याकडे दुर्लक्ष करतो. परंतू वेळेवर बायकोला मनवले तर सर्व काही सुरळीत होऊ शकतं. यासाठी खूप काही करण्याची गरज नाही केवळ हे सोपे उपाय अमलात आणू बघा:
घरकामात मदत
रुसलेल्या बायकोच्या जवळपास राहण्यासाठी घरकामात हातभार लावा. या गोष्टींसाठी बायको आपल्याला दररोज टोकते ती गोष्ट स्वत:हून करा. जसे टॉवेल जागेवर ठेवणे. चहाचा कप उचलून बेसिनमध्ये ठेवणे किंवा वृत्तपत्राची घडी करून ठेवणे, मुलांची जबाबदारी घेणे इतर... अशाने तुम्ही करत असलेली मेहनत तिला कळून येईल आणि तिचा राग घालवण्यात मदत होईल.
