कँलेंडरची पाने चाळता-चाळता सहज विचार आला मनात ...
संपत आले हे ही वर्ष, अगदी महीना राहीला शिल्लक...
एक एक दिवस पोटात साठवतो...
मागच्या तारखांवर नजर फिरवताता,
काही दिनांकावर रेंगाळत राहते मन बराच वेळ...
त्या सुखद आठवणी होतात ताज्या आणि मनाला जाणवतो एक सुखद गारवा...
काही तारखा उगीच करतात जखमा ताज्या आणि अश्रुंचा बांध जातो फुटून...
खऱ्या-खोट्याच्या तारखा...
हव्या-नकोशा तारखा...
प्रेम-द्वेषाच्या तारखा...
आपल्या परक्याच्या तारखा...
मनात एक वेगळीच हुरहूर तशीच राहते टिकून...
आणि मनात विचार येतो...
आता येईल नवीन कँलेंडर आयुष्याच्या वेगवेगळ्या तारखा घेऊन...!!
