ताटं - एरवी नुसती कावळ्याची अंघोळ होते. आता आई कशी छान पाठ रगडून देते.
तवा - काल तर मला टॅमरंड पॅक लावून दिला आईनी. बघा, मी आज कसा गोरा गोरा झालोय.
चमचा - एरवी नुसती पाण्यात डुबकी मारतो मी, आज आईनी छान मान घासून दिली.
चहाचे भांडे - आज ताईने अंघोळ घातली इअरफोनवर केपॉप ऐकत ऐकत. त्या गाण्याच्या नादात मला तीन वेळा अंघोळ घातली. :( सर्दी झाली मला... आssssछ्छी...
कप - ताईने कान छान साफ केले मात्र माझे. आता छान ऐकायला येतेय.
कुकर - माझ्या घसा छान स्वच्छ केला आईनी काल. आता काय मस्त शिट्टी मारता येतेय.
गाळणी - खूप दिवसांनी माझे सगळे डोळे लख्ख उघडले. पूर्वी अंधुक अंधुक दिसत होतं, आता सगळं साफ साफ दिसतंय.
डब्बे...एरवी कवचितच मालकीनीचा हात फिरतो पाठीवरून . .अशात आमचं मस्त चाललंय .. ब्युटी सलून मध्ये जाऊन आल्यासारखे....गॅस ओटा:आम्ही तर नेहमीच बाई साहेबांच्या हाता खाली असतो.. घासून रगडून कधी कधी तर रागात .. झटापटी ...जाऊ द्या पण आताशा घरातल्या सगळ्यांच मायेचे हात फिरताना बरं वाटलं ...चेंज प्रत्येकाला च हवा न ...?
