विवाह समारंभातील वधूचा पेहराव हा तिच्या आयुष्यातला अत्यंत खास पेहराव असतो. लग्रसमारंभातील विविध विधींच्या निमित्ताने घातले जाणारे आणि स्वागत समारंभाच्या वेळी मिरवले जाणारे पेहराव खचितच आयुष्यभर लक्षात राहतात. म्हणूनच अत्यंत चोखंदळपणे या पेहरावांची निवड केली जाते. ते जास्तीत जास्त सुंदर असावेत या हेतूने या खरेदीसाठी बराच वेळ घेतला जातो. आजकाल विवाह सोहळ्यांमध्ये पारंपरिक वेशभूषेबरोबरच वेडिंग गाउन्सनाही खास पसंती बघायला मिळत आहे. पूर्वी फक्त ख्रिश्चन वधूपुरता मर्यादित असणारा हा वधूवेश आता अन्य धर्मीय वधूंवरही भुरळ घालताना दिसत आहे. जाणून घेऊ या विविध प्रकारच्या वेडिंग गाउन्सविषयी...
