देशाला स्वातंत्र्य मिळवून देणारी खादी आता नव्या पिढीत फॅशन म्हणून रुजू झाली आहे. राष्ट्रपिता महात्मा गांधींच्या नावाने ओळखल्या जाणार्‍या खादीचे कपडे नव्या लूकमध्ये बाजारात उपलब्ध झाल्याने युवक-युवती, राजकीय पुढारी आता फॅशनेबल खादी वापरू लागले आहेत. स्वातंत्र्य लढ्यात स्वदेशी वस्त्र म्हणून नावारूपाला आलेली शुभ्र खादी आजच्या फॅशनेबल युगात पुन्हा रंग दाखवू लागली आहे.
आता खादी कॉटन, सिल्क व वूलन मटेरियलमध्ये विविध व्हरायटीमध्ये उपलब्ध आहे. कालपर्यंत बाजारात केवळ खादीच्या नेहरू कुर्ता व पायजम्यामध्ये उपलब्ध होती. मात्र आता शर्ट-पॅंट, सलवार सूट मटेरियल, चादर, बॅग, ओढणी आदी प्रकारातही ती उपलब्ध आहे. शिवाय विविध रंगात ती बाजारात अवतरली आहे.
उन्हाळ्यात खादीच्या कपड्यांना अधिक पसंती दिली जाते. खादी व जीन्स यांचे कॉम्बिनेशन तरूण-तरूणींना आकर्षित करत आहे. केवळ कपडेच नव्हे तर बॅग व इतर वस्तूच्या रूपातही खादी बाजारात दाखल झाली आहे.
उन्हाळ्यात खादीच्या कपड्यांना अधिक पसंती दिली जाते. खादी व जीन्स यांचे कॉम्बिनेशन तरूण-तरूणींना आकर्षित करत आहे. केवळ कपडेच नव्हे तर बॅग व इतर वस्तूच्या रूपातही खादी बाजारात दाखल झाली आहे. बदलत्या काळानुसार खादीतही परिवर्तन घडले आहे. आजही खादी स्वातंत्र्य लढ्याच्या स्मृती नागरिकाच्या मनात जागृत ठेवताना दिसत आहे.
