केंद्रीय श्रम आणि रोजगार मंत्रालयातर्फे तरुण व्यावसायिकांची भरती केली जात आहे. या भरतीसाठी अनुभवी पदवीधर किंवा पदव्युत्तर पदवीधर अर्ज करू शकतात. यासाठी अधिकृत वेबसाइटवर नोटिफिकेशन प्रसिद्ध करण्यात आले आहे. यात पदासाठी लागणारी शैक्षणिक योग्यता, वयोमर्यादा, अनुभव, अर्जाची शेवटची तारीख यांचा सविस्तर तपशील दिला गेला आहे. या भरतीसाठी ऑनलाइन माध्यमातून अर्ज मागविले आहेत.
शैक्षणिक पात्रता
उमेदवार मान्यताप्राप्त विद्यापीठ अथवा शिक्षणसंस्थेतून बीए, बीई, बीटेक, बीएड यापैकी कोणतीही एक पदवी उत्तीर्ण असावा. संबंधित कामाचा किमान चार वर्षांचा अनुभव असावा. बॅचलर किंवा पीजीमध्ये किमान 50% गुणांसह उत्तीर्ण होणे आवश्यक आहे.
उमेदवारांना दरमहा 50 हजार रुपये पगार दिला जाणार आहे.
पदभरतीसाठी अर्ज करताना उमेदवारांनी रेझ्युमे, दहावी, बारावी आणि इंजिनिअरिंगची शैक्षणिक प्रमाणपत्र, शाळा सोडल्याचा दाखला, जातीचा दाखला, ओळखपत्र आणि पासपोर्ट साईझ फोटो हे दस्तावेज सोबत जोडणे आवश्यक आहे.
