आजच्या तरुणाला देशाच्या विरुद्ध वापरले जात आहे. भारत हा तरुणांचा देश आहे. भारताची ६५% लोकसंख्या ३५ वर्षांच्या आतील आहे. मात्र तरुणांना व्यसनाधीन बनून भारताला महा सत्ता बनण्या बसून थांबविण्यासाठी अनेक विदेशी शक्ती षडयंत्र करीत आहेत. भारताच्या प्रगतीचा कणा असलेला युवकच याचे टार्गेट बनला आहे. कारण युवक स्वःताचे डोक चालवीत नाही, तर तो कॉपी करतो. अनुकरण करतो. यामुळेच युवकांना प्रचंड जाहिरातबाजी करून आकर्षीत केले जाते. जाहिरातीन मधून व्यसनाला स्टेटस सिम्बॉल म्हणून दाखविले जाते. एका सर्वे नुसार असे सांगण्यात येते कि भारतातील सुमारे ५५०० युवक दररोज व्यसनांच्या आहारी जात आहे. हे सर्व थांबविण्यासाठी शासनाने नवनवीन कायदे केले आहेत. परंतु अंमल बजावणी अभावी हे कायदे कुचकामी होतांना दिसत आहेत. या साठीच शासनाने ब्रह्मकुमारी संस्थे सारख्या अनेक संस्थांना हाताशी धरून जनजागृतीचे कार्य सुरु केले आहे. भारताला महासत्ता बनवायचे असेल तर व्यसन मुक्ती व मूल्य शिक्षण अभियानातून तरुणांना पुन्हा मुख्य प्रवाहात आणणे गरजेचे आहे -- असे प्रतिपादन माझा भारत व्यसन मुक्त भारत अभियानाचे राष्ट्रीय समन्वयक व कार्पोरेट ट्रेनर डॉ. सचीन परब यांनी केले.
