विराट कोहलीने त्याच्या आयुष्यातील दोन महत्त्वाच्या स्त्रियांसाठी खास संदेश दिला. भारतीय संघाचा कर्णधार विराटने याआधी व्हेलेंटाईन डेच्या दिवशी सोशल मीडियावर अभिनेत्री अनुष्का शर्मासोबतची पोस्ट शेअर करून आपल्या नात्याची जाहीर कबुलीच दिली होती. आता जागतिक महिला दिनाच्या निमित्तानेही विराटने त्याच्या आयुष्यातील दोन महत्त्वाच्या स्त्रियांसाठी खास संदेश दिला आहे.
जागतिक महिला दिनाच्या सर्व महिलांना शुभेच्छा. विशेषत: माझ्या आयुष्यातील माझ्यासोबत खंबीरपणे उभे राहणार्‍या दोन स्त्रियांना खूप शुभेच्छा. अतिशय कठीण काळात कुटुंबाला सांभळणारी माझी आई आणि आव्हानांचा मोठ्या हिमतीने सामना करून आयुष्याची समीकरणे बदलून काहीतरी नवे करण्याची तळमळ असणारी अनुष्का शर्मा. या दोघांनाही महिला दिनाच्या खूप शुभेच्छा.
