भारत आणि दक्षिण आफ्रिका संघांमधल्या सामन्यासाठी मल्ल्या केनिंग्टन ओव्हलवर आला असताना भारतीय वंशाच्या प्रेक्षकांनी त्याच्या नावानं बोंब ठोकली. भारतीय बँकांना कोट्यवधींचा चुना लावून पळालेला उद्योगपती विजय मल्ल्या परदेशात तिसर्‍यांदा टीम इंडियाचा सामना पाहायला आला होता. मल्लया ज्यावेळी ओव्हलवर सामना पाहण्यासाठी आला, त्यावेळी मैदानाबाहेर असलेल्या भारतीय वंशाच्या क्रिकेट रसिकांनी जोरजोरात चोर....चोर...चोर.. ओरडण्यास सुरूवात केली. केवळ घोषणा देऊन प्रेक्षक थांबले नाहीत, तर सामन्यादरम्यानही प्रेक्षकांनी मल्ल्याला भगोडा...भगोडा.. असे म्हणत हेटाळणी केली.
