T20 वर्ल्ड कप 2024 नंतर राहुल द्रविड टीम इंडियाच्या मुख्य प्रशिक्षकपदाचा राजीनामा देणार आहे. त्यांचा कार्यकाळ संपणार आहे. भारतात खेळल्या गेलेल्या एकदिवसीय विश्वचषकानंतर त्यांचा कार्यकाळ आगामी विश्वचषकापर्यंत वाढवण्यात आला. सोमवारी, भारतीय क्रिकेट नियामक मंडळाने (बीसीसीआय) टीम इंडियाच्या मुख्य प्रशिक्षकपदासाठी अर्ज मागवले आहेत.
टीम इंडियाच्या वरिष्ठ खेळाडूंनी राहुल द्रविडला कसोटी संघाचे प्रशिक्षकपद कायम ठेवण्याची विनंती केली होती. मात्र, ज्येष्ठांनी त्यास नकार दिला. कार्यकाळ वाढवण्यास ते राजी नव्हते. बीसीसीआयचे सचिव जय शाह यांनी अलीकडेच स्पष्ट केले होते की, वेगवेगळ्या फॉरमॅटसाठी वेगळा प्रशिक्षक असणार नाही.
अशा परिस्थितीत तिन्ही फॉरमॅटसाठी एकाच प्रशिक्षकाचा शोध असेल, जो 3.5 वर्षांसाठी भारतीय क्रिकेट संघाची जबाबदारी सांभाळेल.टी-२० विश्वचषकानंतर द्रविडचा कार्यकाळ संपत आहे. मुख्य प्रशिक्षकपदावर राहण्यासाठीही त्यांना अर्ज करावा लागणार आहे. बीसीसीआयने अर्ज करण्याची शेवटची तारीख 27 मे ठेवली आहे.
व्हीव्हीएस लक्ष्मण, गौतम गंभीर आणि जस्टिन लँगर या पदासाठी अर्ज करू शकतात. लक्ष्मणने अर्ज केल्यास ते सर्वात मोठे दावेदार असतील. 49 वर्षीय माजी भारतीय क्रिकेटपटू गेल्या तीन वर्षांपासून एनसीएचे प्रमुख आहेत. भारत अ आणि अंडर-19 संघही त्याच्या देखरेखीखाली आहेत. द्रविडच्या अनुपस्थितीत त्याने भारतीय संघाच्या प्रशिक्षकाचीही भूमिका बजावली आहे.मात्र, स्थायी मुख्य प्रशिक्षकपदासाठी लक्ष्मण हे सर्वोच्च उमेदवार नसल्याचा दावा अहवालात करण्यात आला आहे.
