तीन सामन्यांच्या मायदेशातील कसोटी मालिकेत भारताचा 2-1 असा पराभव केल्यानंतर दक्षिण आफ्रिकेचा युवा संघ न्यूझीलंडच्या दौऱ्यावर जाणार आहे. या दौऱ्यात आफ्रिकन संघ दोन कसोटी सामन्यांची मालिका खेळणार आहे. 17 फेब्रुवारीपासून सुरू झालेली ही मालिका 1 मार्चला संपणार आहे. या मालिकेपूर्वी दक्षिण आफ्रिकेचा कर्णधार डीन एल्गरने म्हटले आहे की, या मालिकेत त्यांच्या संघाला आत्मपरीक्षण करण्याची सर्वोत्तम संधी असेल ते म्हणाले की, न्यूझीलंडचा संघ सध्या चांगल्या टप्प्यातून जात आहे.
न्यूझीलंड दौऱ्यासाठी दक्षिण आफ्रिकेने आपल्या संघात सहा वेगवान गोलंदाज ठेवले आहेत. आफ्रिकन संघात कागिसो रबाडा, लुंगी एनगिडी, मार्को जॅन्सन, डुआन ऑलिव्हर, लुथो सिम्पला आणि ग्लेंटन स्टर्मन यांचा समावेश आहे.
