हा सामना अतिशय महत्त्वाचा होता . पाकिस्तानचा विजय भारताला उपांत्य फेरीत नेऊ शकला असता. अ गटातून, ऑस्ट्रेलियाने चारही सामने जिंकून आधीच उपांत्य फेरी गाठली होती, तर दुसऱ्या स्थानासाठी न्यूझीलंड, भारत आणि पाकिस्तान यांच्यात लढत होती. दोन सामन्यांत दोन विजय आणि दोन पराभवांसह भारताचे चार गुण होते आणि या सामन्यापूर्वी त्यांचा निव्वळ धावगती न्यूझीलंडपेक्षा चांगला होता. जर न्यूझीलंडने हा सामना गमावला असता तर पाकिस्तान आणि भारतासह त्याचे चार गुण झाले असते.
न्यूझीलंडने पाकिस्तानविरुद्धच्या महिला टी-20 विश्वचषक गटातील सामन्यात नाणेफेक जिंकून प्रथम फलंदाजी करण्याचा निर्णय घेतला. जॉर्जिया प्लिमर सुझी बेट्ससह न्यूझीलंडसाठी डावाची सुरुवात करण्यासाठी मैदानात उतरली. या दोन्ही फलंदाजांनी पाकिस्तानविरुद्ध संघाला दमदार सुरुवात करून पॉवरप्लेदरम्यान विरोधी संघाला यश मिळू दिले नाही.
