भारतीय महिला संघाने सोमवारी चेन्नई येथे दक्षिण आफ्रिकेविरुद्धचा एकमेव कसोटी सामना 10 गडी राखून जिंकला. भारताने पहिला डाव 603 धावांवर घोषित केला. प्रत्युत्तरात दक्षिण आफ्रिकेचा संघ पहिल्या डावात 266 धावांत सर्वबाद झाला आणि त्यांना फॉलोऑन करावे लागले. दक्षिण आफ्रिकेने दुसऱ्या डावात 373 धावा केल्या आणि 36 धावांची थोडीशी आघाडी घेतली. लक्ष्याचा पाठलाग करताना भारताने अवघ्या 9.2 षटकांत 10 गडी शिल्लक असताना विजय मिळवला.
या सामन्याच्या चौथ्या डावात टीम इंडियासमोर 37धावांचे लक्ष्य होते, ते शेफाली वर्मा आणि शुभा सतीश या सलामीच्या जोडीने कोणतेही नुकसान न करता पूर्ण केले. भारतीय महिला कसोटी क्रिकेटच्या इतिहासात संघाने 10 गडी राखून कसोटी सामना जिंकण्याची ही दुसरी वेळ आहे.
या सामन्यात टीम इंडियाने प्रथम फलंदाजी करताना 603 धावा करत डाव घोषित केला. यानंतर फलंदाजीला आलेला दक्षिण आफ्रिकेचा महिला संघ पहिल्या डावात केवळ 266 धावांवरच मर्यादित राहिला, ज्यामध्ये भारताच्या वतीने स्नेह राणाची गोलंदाजीची कामगिरी पाहायला मिळाली, तिने 25.3 मध्ये 77 धावा देत 8 बळी घेतले.
