नूर अहमदच्या नेतृत्वाखालील गोलंदाजांच्या उत्कृष्ट कामगिरीच्या जोरावर सीएसकेने केकेआरचा ३२ धावांनी पराभव केला. प्रथम फलंदाजी करताना, सीएसकेने २० षटकांत पाच गडी गमावून १९२ धावा केल्या. प्रत्युत्तरात, केकेआरला २० षटकांत सात गडी गमावून केवळ १६० धावाच करता आल्या.
आयपीएल २०२६ मध्ये कोलकाता संघाने आतापर्यंत एकही सामना जिंकलेला नाही, तर सीएसकेचा हा सलग दुसरा विजय आहे. केकेआरकडून सर्वाधिक धावा रमणदीप सिंगने केल्या, जो ३५ धावा करून बाद झाला. याशिवाय, रोव्हमन पॉवेल ३१ धावा करून नाबाद राहिला. सीएसकेकडून नूर अहमदने तीन, तर अंशुल कंबोजने दोन बळी घेतले. खलील अहमद आणि अकील हुसेन यांना प्रत्येकी एक यश मिळाले.
सीएसकेकडून पराभव झाल्यामुळे केकेआरची विजयाची प्रतीक्षा कायम आहे. या सामन्यातही केकेआरचे फलंदाज निराशाजनक ठरले. केकेआरने १०० धावांचा टप्पा ओलांडला असून, रमणदीप रोव्हमन पॉवेलसोबत फलंदाजी करत आहे आणि या दोन फलंदाजांमधील भागीदारी वाढत आहे.
