आयपीएलचा दुसरा मोसम दक्षिण आफ्रिकेत खेळवण्यात आला होता. २००९ साली झालेल्या या स्पर्धेत बीसीसीआयकडून २४३ कोटींचा व्यवहार करण्यात आला होता. हा व्यवहार कायद्याचे उल्लंघन करुन करण्यात आला होता. ‘ईडी’कडून याची चौकशी करण्यात आली. त्यानुसार आता बीसीसीआयवर ८२.६६ कोटी, ललित मोदींवर १०.६५ कोटी आणि एन. श्रीनिवासन यांच्यावर ११.५३ कोटींचा दंड ठोठावण्यात आला आहे. या प्रकरणात आणखी काही अधिकारी व कंपन्यांचाही समावेश आहे.
