कहाणी थेंबाची या नावाची टॅगलाईन घेऊन 'H2O' हा सिनेमा प्रेक्षकांच्या भेटीला येत आहे. याआधी सिनेमाचे पोस्टर प्रदर्शित करण्यात आले होते. त्यानंतर आता सिनेमाचा टीझर लाँच करण्यात आला आहे. पाण्याचा प्रश्न दिवसेंदिवस गंभीर होत चालला आहे. याच समस्येवर भाष्य करणारा हा सिनेमा असावा, असे टीझरमधून दिसत आहे. टीझरमध्ये आपल्याला तरुण-तरुणी गावामध्ये श्रमदान करताना दिसत आहेत. टीझरवरून या चित्रपटात प्रेम, मैत्री, वादविवाद असले तरी तरुणाईकडून होणाऱ्या समाजप्रबोधनाचेही दर्शन घडत आहे.
