अर्थात शांताबाईचं अधिकृत व्हिडिओ साँग यू-ट्यूबला आणण्यासाठी सुमित म्युझिकला पुढाकार घ्यावा लागणार आहे. तसेच संगीतकार, गीतकार संजय लोंढे यांचीही या व्हिडिओ साँगमध्ये भूमिका महत्त्वाची ठरणार आहे. यू-ट्यूबच्या महत्त्वाच्या संगीत व्हिडिओमध्ये शांताबाईचा व्हिडिओ ट्रेडिंग आहे, शांताबाई गाण्याचं जर अधिकृत व्हिडिओ साँग आलं तर आणखी धमाल होणार आहे. यामुळे एखाद्या अभिनेत्रीला पुन्हा नावारूपाला येण्याची संधी आहे. शांताबाई गाण्यातील भाषा ज्यांना कळत नाही, त्या राज्यातही संगीताच्या तालावर शांताबाई लोकप्रिय झाली आहे. ज्याप्रमाणे कोलावरी-डी आणि कोडाईकनालचं प्रोटेस्ट साँग लोकप्रिय झालं होतं, त्याप्रमाणे शांताबाई लोकप्रिय झाली आहे.
