गॅस सिलिंडरच्या दरात मोठी झेप, एका रात्रीत किंमती वाढल्या

LPG Gas Cylinder Price Hike : दिवाळीच्या दुसऱ्या दिवशी गॅस सिलिंडरच्या दरात मोठी उसळी पाहायला मिळत आहे. दिवाळीच्या लक्ष्मीपूजनाच्या वेळी भारतीय तेल विपणन कंपन्यांनी 19 किलो LPG सिलिंडरच्या किंमतीत वाढ करण्याची घोषणा केली आहे. मेट्रो सिटीमध्ये व्यावसायिक गॅस सिलिंडरची किंमत 61 ते 62 रुपयांपर्यंत वाढली आहे. मात्र, 14.2 किलोच्या घरगुती गॅस सिलेंडरच्या किमतीत कोणताही बदल झालेला नाही. परंतु अनेक शहरांमध्ये व्यावसायिक गॅस सिलिंडरची किंमत 2000 रुपयांच्या जवळपास पोहोचली आहे.

दर 1800 रुपयांवर पोहोचला

इंडियन ऑईल कॉर्पोरेशनने 19 किलो एलपीजी सिलिंडरच्या किंमतीत वाढ करण्याचा निर्णय घेतला आहे. विशेषत: मुंबई, दिल्ली, चेन्नई आणि कोलकाता या मेट्रो शहरांमध्ये मोठी वर्दळ पाहायला मिळत आहे. कोलकात्यात 19 किलो LPG सिलेंडरची किंमत 2000 रुपयांपेक्षा फक्त 88.5 रुपये कमी आहे. त्याच वेळी, 19 किलोचा एलपीजी सिलिंडर ज्याची किंमत दिल्ली आणि मुंबईमध्ये 1750 रुपयांपर्यंत होती ती आता 1800 रुपयांच्या पुढे गेली आहे. या नवीन किमती 1 नोव्हेंबर 2014 पासून लागू झाल्या आहेत.

दिल्लीत एलपीजी सिलिंडरची किंमत

ऑक्टोबर 2024 मध्ये 19 किलो एलपीजी सिलेंडरची किंमत 1740 रुपये होती. आता 62 रुपयांच्या वाढीनंतर राजधानीत 19 किलोचा एलपीजी सिलिंडर 1802 रुपयांना मिळणार आहे.

कोलकातामध्ये एलपीजी सिलेंडरची किंमत

एलपीजी सिलिंडरच्या किमतीत वाढ झाल्याचा सर्वात मोठा परिणाम कोलकातामध्ये पाहायला मिळणार आहे. कोलकातामध्ये, ऑक्टोबर 2024 पर्यंत, 19 किलोचा एलपीजी सिलेंडर 1,850.5 रुपयांना उपलब्ध होता, जो आता 61 रुपयांनी वाढून 1,911.5 रुपयांवर पोहोचला आहे.

मुंबईत एलपीजी सिलेंडरची किंमत

मुंबई महानगरातही 19 किलोच्या एलपीजी सिलिंडरच्या दरात 62 रुपयांनी वाढ झाली आहे. त्यामुळे मुंबईत व्यावसायिक सिलिंडरची किंमत 1,692.5 रुपयांऐवजी 1,754.5 रुपयांवर पोहोचली आहे.

चेन्नईमध्ये एलपीजी सिलिंडरची किंमत

चेन्नईमध्ये एलपीजी सिलिंडरची किंमत 61.5 रुपयांनी वाढली आहे. यासह, चेन्नईमध्ये गॅस सिलिंडरची किंमत 1,903 रुपयांवरून 1,964 रुपयांपर्यंत वाढली आहे.

घरगुती सिलेंडरची किंमत किती आहे?

14.2 किलोच्या घरगुती गॅस सिलेंडरबद्दल बोलायचे झाले तर ऑगस्ट 2024 पासून त्याची किंमत वाढलेली नाही. दिल्लीत त्याची किंमत 803 रुपये, मुंबईत 802.50 रुपये, चेन्नईमध्ये 818.50 रुपये आणि कोलकातामध्ये 829 रुपये आहे.