केंद्र सरकारच्या कर्मचाऱ्यांना कर्जाच्या नियमांत सूट

केंद्र सरकारच्या कर्मचाऱ्यांना घर खरेदी करण्यासाठी लागणाऱ्या कर्जाच्या नियमांत सूट दिली आहे. घरांची वाढती गरज लक्षात घेत सरकारने एचबीए नियमांना सोपं करण्याचा निर्णय घेतला आहे.

केंद्रीय गृहनिर्माण व शहरी व्यवहार मंत्रालयाने केंद्रीय कर्मचाऱ्यांसाठी हाऊस बिल्डिंग अॅडव्हान्स (एचबीए) नियमांत बदल केले आहेत. त्यामुळे आता १ कोटी रुपयांपर्यंतचं घर खरेदी करण्यासाठी केंद्रीय कर्मचाऱ्यांना २५ लाख रुपये अॅडव्हान्स घेऊ शकतात. आतापर्यंत तीस लाख रुपयांपर्यंतचं घर खरेदी करण्यासाठी ७.५० लाख रुपये आगाऊ मिळत होते.