Gold-Silver Price Today :सोन्या-चांदीच्या दरात मोठी घसरण झाली. राष्ट्रीय राजधानीच्या सराफा बाजारात शुक्रवारी सोन्याचा भाव 350 रुपयांनी घसरून 63,950 रुपये प्रति 10 ग्रॅम झाला. एचडीएफसी सिक्युरिटीजने ही माहिती दिली. गेल्या ट्रेडिंग सत्रात सोन्याचा भाव 64,300 रुपये प्रति 10 ग्रॅमवर बंद झाला होता. चांदीचा भावही 1,000 रुपयांनी घसरून 78,500 रुपये प्रति किलो झाला. तर शेवटच्या ट्रेडिंग सत्रात चांदी 79,500 रुपये प्रति किलोवर बंद झाली होती
एमसीएक्सच्या फ्युचर्स ट्रेडिंगमध्ये सोन्याच्या फेब्रुवारी कॉन्ट्रॅक्टचा भाव 244 रुपयांनी घसरून 63,145 रुपये प्रति 10 ग्रॅम झाला. याशिवाय चांदीचा मार्च कराराचा भाव 1,166 रुपयांनी घसरून 73,793 रुपये प्रति किलो झाला. आंतरराष्ट्रीय बाजारात सोन्याचा भाव 2,070 डॉलर प्रति औंस झाला. चांदीही घसरून 23.80 डॉलर प्रति औंस झाली.
