आवडी गंगाजळे देवा न्हाणीलें । भक्तीचें भूषण प्रेमे सुगंध अर्पिले ।।१।।
अहं हा धूप जाळूं श्रीहरीपुढे । जंव जंव धूप जळे तंव तंव देवा आवडे ।।२।।
रमावल्लभदासे अहं ।। धूप जाळीला । एकारतीचा मग प्रारंभ केला ।।३।।
सोहं हा दीप ओवाळू गोविंदा । समाधी लागली पाहतां मुखारविंदा ।।१।।
हरिख हरिक होता मुख पाहतां । चाकाटल्या ह्या नारी सर्वही अवस्था ।।२।।
सद्भवालागी बहु हा देव भुकेला । रमावल्लभ दासे अहं नैवेद्य अर्पिला ।।३।।
फळे तांबूल दक्षणा अर्पिली । तया उपरी निरांजने मांडिली ।।१।।
आरती करुं गोपा । मी तूं पण सांडोनि वेळोवेळा ।
पंचप्राण पंचज्योती आरती उजळली । दृश्य हे लोपले । तया प्रकाशांतळी ।।२।।
आरती प्रकाशे चंद्र सूर्य लोपले । सुरवर सकळीक तटस्थ ठेले ।।३।।
