मिळालेल्या माहितीनुसार भाजप पहिल्या दिवसापासून नवाब मलिक यांच्या उमेदवारीला विरोध करत आहे. नवाब मलिक यांचे दाऊद इब्राहिमशी संबंध आणि मनी लाँड्रिंग प्रकरणाचा हवाला देत भाजप विरोध करत होता. उमेदवारी अर्जाच्या शेवटच्या दिवशी त्यांच्या उमेदवारीबाबत सस्पेंस कायम होता. त्यांना पक्षाकडून एबी फॉर्म मिळालेला नव्हता. अजित पवार यांनी याबाबत मौन बाळगले होते. अखेरच्या क्षणी अजित पवारांनी त्यांना मानखुर्द शिवाजी नगर मतदारसंघातून राष्ट्रवादीचे तिकीट दिले.
नवाब मलिक अणुशक्ती नगरमधून 5 वेळा आमदार असून त्यांना या जागेवरून निवडणूक लढवायची होती, भाजपच्या विरोधामुळे राष्ट्रवादीने त्यांची मुलगी सना मलिक यांना या जागेवरून तिकीट दिले. मानखुर्द मतदारसंघातून राष्ट्रवादीकडे ठोस पर्याय नव्हता. त्यामुळे अजित पवार यांनी भाजपच्या विरोधाकडे दुर्लक्ष करून नवाब मलिक यांना तिकीट दिले.
