लोकसभा निवडणुकीच्या तोंडावर अंतुले यांनी राष्ट्रवादीचा झेंडा हातात घेतल्याने काँग्रेसला धक्का बसला आहे. सुनील तटकरे यांच्या प्रयत्नामुळे रायगड जिल्ह्यातील विकास कामे झाल्यामुळे लोकसभा निवडणुकीत त्यांना बहुमताने विजयी करा, असे आवाहन अंतुले यांनी यावेळी केले.
अंतुले यांच्यानंतर जनकल्याणाची धडाडीने कामे करण्याची धमक फक्त तटकरे यांच्यामध्ये दिसत आहे. त्यामुळे अनेक विकासकामे होत असतील तर या सरकारला पाठिंबा का देऊ नये? असा प्रश्न आपल्याला पडत होता. त्यामुळे आज आपण राष्ट्रवादी काँग्रेसमध्ये प्रवेश केला, असे अंतुले म्हणाले.
