2024 च्या लोकसभा निवडणुकीचा जोरदार प्रचार सुरू झाला आहे. भाजपचे नागपुरातील उमेदवार नितीन गडकरी यांनीही जोरदार प्रचार सुरू केला आहे. दरम्यान काँग्रेसने गडकरी आणि भाजपविरोधात आदर्श आचारसंहिता भंगाची तक्रार दाखल केली आहे. केंद्रीय मंत्री नितीन गडकरी आणि भाजपवर कारवाई करण्याची मागणी काँग्रेसने केली आहे.
नागपूर लोकसभा मतदारसंघातून काँग्रेसने विकास ठाकरे यांना उमेदवारी दिली आहे. काँग्रेसचे आमदार ठाकरे यांची थेट स्पर्धा भाजपचे ज्येष्ठ नेते गडकरी यांच्याशी आहे. अलीकडेच एका कार्यक्रमाला संबोधित करताना गडकरी म्हणाले होते की, मला आपल्या विजयाचा 101 टक्के विश्वास आहे. 5 लाखांहून अधिक फरकाने विजयी होईल, असा विश्वासही त्यांनी व्यक्त केला आहे. गडकरी सध्या लोकसभेत नागपूर मतदारसंघाचे प्रतिनिधित्व करतात.
19 एप्रिलला मतदान आणि 4 जूनला निकाल
महाराष्ट्रात पहिल्या टप्प्यात 19 एप्रिल रोजी विदर्भातील रामटेक, नागपूर, भंडारा-गोंदिया, गडचिरोली-चिमूर आणि चंद्रपूर या पाच लोकसभा जागांवर मतदान होणार आहे. तर मतमोजणी 4 जून रोजी होणार आहे.
