मागीलवर्षीच्या तुलनेत यामध्ये 2 कोटी 88 लाखांची भर पडली असून आता पर्यंतची ही विक्रमी देणगी आहे. साईबाबा संस्थानद्वारे दिलेल्या माहितीनुसार 23 डिसेंबर 2019 ते 2 जानेवारी 2020 या काळात भक्तांनी दिलेली भेट आणि जमा झालेली देणगी यांचा हिशोब करण्यात आला. या दरम्यान शिरडीत 8 लाख 23 हजारांहून अधिक भाविकांनी भेट दिली. बायोमेट्रीक दर्शन व्यवस्था तसेच सशुल्क पासेस याद्वारे दर्शन घेतलेल्या भाविकांची नेमकी नोंद होते.
या काळात दानपेटीत 9 कोटी 54 लाख, देणगी काऊंटरवर 3 कोटी 46 लाख, ऑनलाइन पद्धतीने 73 लाख, डेबिट, क्रेडिट कार्डद्वारे 1 कोटी 38 लाख, चेकद्वारे 1 कोटी 50 लाख, विदेशी मुद्रा 24 लाख, सोनं 1 किलो 213 ग्राम (42 लाख), चांदी 17 किलो (24 लाख) अशी देणगी जमा झाली आहे.
