राज यांना वडापाव स्टॉलवर पाहून अनेकांच्या भुवया उंचावल्या होत्‍या. गाडी थांबताच राज यांनी तेथील श्रीकृष्ण उर्फ संदीप शिंदे यांच्या हॉटेल आसरामधील वडापावचा स्टॉल गाठला. राज यांनी सामान्य ग्राहकाप्रमाणे शिंदे यांच्याकडून वडापाव घेतला आणि बाकड्यावर बसून गरम-गरम वडापावचा आस्वाद घेवू लागले. काही वेळात ही बातमी परिसरातील लोकांना समजताच नागरिकांनी शिंदे यांच्या हॉटेलवर गर्दी केली. यावेळी त्यांनी उपस्थितांना वडापाव खाणार काय? अशी विचारणा केली. राज यांनी अनेक ठिकाणच्या गप्पा करत-करत वडापाव आणि चहाचा आस्वाद घेतला. हॉटेलवर जमलेल्या नागरिकांनाही वडापाव वाटप करण्यास कार्यकर्त्यांना सांगितले. शेवटी वडापाव मस्त होता हो! असे म्हणत शिंदे कुटुंबीयांसोबत त्यांनी फोटो देखील काढला आणि शिंदे यांचा निरोप घेतला.
