मोबाइल इंटरनेट इंडस्ट्रीत धुमाकूळ घालणार्‍या रिलायन्स जिओने आपल्या ग्राहकांना एक भेट दिली आहे. जिओ टीव्हीवर लाइव्ह स्ट्रिगिंसाठी जिओकडून यूजर्सना 10जीबी मोफत 4जी डाटा दिला जात आहे. यामुळे जिओ ग्राहक आता प्रतिदिन मिळणार्‍या इंटरनेट डाटा खर्चाची चिंता न करता लाइव्ह टीव्ही पाहू शकणार आहेत. रिलायन्स जिओ कोणताही अतिरिक्त भार न लावता ही सुविधा देत आहे.
जिओने मेसेज आणि अ‍ॅप नोटिफिकेशनच्या माध्यमातून ही माहिती दिली आहे.
मेसेजमध्ये लिहिण्यात आले आहे की, 'जिओ टीव्हीने मोबाइल वर्ल्ड काँग्रेसध्ये बेस्ट मोबाइल व्हिडिओकंटेंटचा प्रतिष्ठित ग्लोबल मोबाइल अवॉर्डस 2018 जिंकला आहे. आम्हाला आंतरराष्ट्रीय स्तरावर पोहोचवल्याबद्दल धन्यवाद. तुम्ही दिलेल्या सहकार्याबद्दल आम्ही तुमच्या अकाउंटवर 10जीबी कॉम्प्लिमेंटरी डाटा अ‍ॅड करत आहोत.'
