रोहित शर्मा एक प्रतिभावंत खेळाडू असून त्यात भविष्यातील कर्णधार बनण्याची क्षमता आहे, असे मत हैदराबाद संघाचा कर्णधार एडम गिलख्रिस्ट याने व्यक्त केले आहे.
इंडियन प्रीमियर लीगच्या (आयपीएल) दुस-या टप्प्याच्या खेळात हैदराबादने बंगळुरूचा 24 धावांनी पराभव केला होता. या सामन्यात रोहितने 30 चेंडूत 52 धावांची खेळी केली होती. त्यात त्याने अनिल कुंबळेच्या एकाच षटकात तीन षटकार ठोकले होते.
