यशस्वी जैस्वाल आणि जोस बटलरची शानदार खेळी व्यर्थ गेली:
लक्ष्याचा पाठलाग करताना यशस्वी जैस्वाल आणि जोस बटलर यांनी दमदार फलंदाजी केली, पण त्यांनाही संघाला विजय मिळवून देण्यात अपयश आले. डावाची सुरुवात करताना जैस्वालने 35 चेंडूंत चार चौकार आणि दोन षटकारांच्या मदतीने 44 धावांचे योगदान दिले. त्याचवेळी बटलरने 41 चेंडूंत 4 चौकार आणि 1 षटकाराच्या मदतीने 40 धावा काढल्या. या खेळाडूंशिवाय देवदत्त पडिक्कलने 21 चेंडूत 26 धावांची खेळी केली.
तत्पूर्वी, जयपूरमध्ये नाणेफेक हारल्यानंतर प्रथम फलंदाजी करताना लखनौ सुपर जायंट्स संघाने निर्धारित षटकांत सात गडी गमावून 154 धावा केल्या होत्या. संघाकडून डावाची सुरुवात करताना काइल मेयर्सने सर्वाधिक 51 धावांची अर्धशतकी खेळी खेळली. याशिवाय केएल राहुलने 39 धावांचे योगदान दिले.
राजस्थान रॉयल्सचा सर्वात यशस्वी गोलंदाज भारताचा अनुभवी फिरकीपटू रविचंद्रन अश्विन होता. आपल्या संघासाठी चार षटके टाकताना त्याने 23 धावा देऊन सर्वाधिक दोन यश मिळवले. दुसरीकडे, लखनौ सुपर जायंट्ससाठी आवेश खान हा सर्वात यशस्वी गोलंदाज ठरला. आपल्या संघासाठी चार षटके टाकताना त्याने 25 धावांत तीन बळी घेतले.
