IPL 2022: कोलकाता आणि अहमदाबादमध्ये होणार प्लेऑफ सामने, 100% प्रेक्षक उपस्थित राहू शकतात, हे सामने लखनौमध्ये होणार
क्वालिफायर-1 आणि एलिमिनेटर सामने कोलकातामध्ये होणार आहेत. क्वालिफायर 1 24 मे रोजी खेळवला जाईल आणि 26 मे रोजी अलिमेटर सामना खेळवला जाईल. यानंतर क्वालिफायर-2 अहमदाबादमध्ये 27 मे रोजी होणार असून अंतिम सामना 29 मे रोजी होणार आहे. स्टेडियमच्या क्षमतेनुसार, चारही सामन्यांदरम्यान 100 टक्के प्रेक्षक सामना पाहू शकतात. 26 मे रोजी कोलकाता येथे एलिमिनेटर सामना जिंकणारा संघ दुसऱ्या दिवशी 27 मे रोजी होणाऱ्या क्वालिफायर 2 मध्ये खेळण्यासाठी सुमारे 1900 किलोमीटरचा प्रवास करेल.
24 ते 28 मे दरम्यान एकना स्टेडियमवर महिला चॅलेंजर्सचा सामना होणार आहे. बीसीसीआयचे अध्यक्ष सौरव गांगुली म्हणाले, "महिला चॅलेंजर्स मालिका 24 ते 28 मे दरम्यान लखनौच्या इकाना स्टेडियमवर होणार आहे. पुरुषांच्या आयपीएलच्या बाद फेरीतील सामने कोलकाता आणि अहमदाबादमध्ये आयोजित केले जातील. 22 मे रोजी लीग फेरी संपल्यानंतर खेळल्या जाणार्‍या सामन्यांसाठी 100% उपस्थितीची परवानगी असेल.
