बँगलोर (RCB)विरुद्धच्या सामन्यात मुंबई (Mumbai Indians)चा फास्ट बॉलर जसप्रीत बुमराह (Jasprit Bumrah)ने नवीन रेकॉर्ड केला आहे. आयपीएलमध्ये बुमराहने 100 विकेटचा टप्पा ओलांडला आहे. बँगलोरचा कर्णधार विराट कोहली (Virat Kohli) बुमराहची 100वी विकेट होती. योगायोग म्हणजे बुमराहची पहिली विकेटही विराट कोहलीच होता.
बँगलोरविरुद्धच्या मॅचमध्ये बुमराहने भेदक बॉलिंग केली. देवदत्त पडिकल आणि जॉश फिलिप यांनी बँगलोरला 7.5 ओव्हरमध्येच 71 रनची ओपनिंग पार्टनरशीप करुन दिली होती. त्यामुळे बँगलोरचा स्कोअर 200 रनपर्यंत जाईल असं वाटत होतं, पण बुमराहने 4 ओव्हरमध्ये फक्त 14 रन देऊन 3 विकेट घेतल्या. बुमराहने देवदत्त पडिकल, विराट कोहली आणि शिवम दुबे यांना माघारी धाडलं.
