अमेरिकेच्या कॅपिटल बिल्डिंगच्या हिंसाचारात अध्यक्ष डोनाल्ड ट्रम्प यांच्या भूमिकेबद्दल गेल्या आठवड्यात डेमोक्रॅटिक पक्षाने अमेरिकन संसदेत त्यांच्या विरोधात दोन महाभियोग प्रस्ताव आणले होते. या प्रस्तावांवर आता बुधवारी मतदान होणार आहे. खासदार जेमी रस्किन, डेव्हिड सिसिलिन आणि टेड ल्यू यांनी हा प्रस्ताव आणला आहे आणि अमेरिकेच्या प्रतिनिधी मंडळाच्या २११ सदस्यांनी त्यांचे समर्थन केले आहे.
माध्यमात प्रसिद्ध झालेल्या निवेदनात म्हटले आहे की, 6 जानेवारी रोजी ट्रम्प यांनी इलेक्टोरल कॉलेजच्या मतांची मोजणी चालू असताना कॅपिटल बिल्डिंग (संसद कॉम्प्लेक्स) च्या घेराव्यासाठी समर्थकांना भडकवले आणि लोकांनी हल्ला केल्याने ही प्रक्रिया विस्कळीत झाली. या घटनेत पोलिस अधिकार्‍यांसह पाच जण ठार झाले.
अमेरिकन काँग्रेसचे खालचे सभागृह असलेल्या प्रतिनिधीगृहात डेमोक्रॅटिक पक्षाचे बहुमत आहे. परंतु सिनेटमध्ये रिपब्लिकिन यांचे बहुमत आहे. तथापि, हे बहुमत फार दूर नाही. राष्ट्रपती पदावरून काढून टाकण्यासाठी सिनेटमधील दोन तृतियांश मतांचीही आवश्यकता भासणार आहे.
