Miss Universe 2023 : मिस युनिव्हर्स ही एक अशी स्पर्धा आहे ज्यामध्ये जगातील सर्वात सुंदर महिला सहभागी होतात. जेव्हा सौंदर्याचा विचार केला जातो, तेव्हा आपण आपल्या मनात सडपातळ, उंच आणि टोन्ड शरीर असलेल्या मॉडेलची कल्पना करतो.
समाजात महिलांसाठी सौंदर्याचा दर्जा खूप उच्च आहे. बहुतेक लोकांसाठी एक सुंदर स्त्री फक्त सडपातळ, गोरी आणि उंच असते. मात्र नेपाळी मॉडेल जेन दीपिका गॅरेट (Jane Dipika Garrett) ने हे सर्व समज चुकीचे सिद्ध करून नवी ओळख निर्माण केली आहे.
यावर्षी मिस युनिव्हर्स 2023 (Miss Universe 2023) स्पर्धा एल साल्वाडोरची राजधानी सॅन साल्वाडोर येथे झाली. या स्पर्धेत सुमारे 83 देशांतील मॉडेल्स सहभागी झाल्या होत्या, त्यापैकी निकारागुआच्या शेनिस पॅलासिओसला मिस युनिव्हर्सचा किताब मिळाला. पण या स्पर्धेतील विजेत्यापेक्षा जेन दीपिका गॅरेट चर्चेत राहिली आहे. दीपिका मिस युनिव्हर्सची पहिली प्लस साइज मॉडेल बनली आहे.
पहिली प्लस साइज मॉडेल बनलेली जेन दीपिका गॅरेट कोण आहे?
दीपिका गॅरेटने मिस युनिव्हर्स 2023 मध्ये नेपाळचे प्रतिनिधित्व करण्यासाठी या स्पर्धेत भाग घेतला. रॅम्प वॉक करताना त्याने सर्वांना चकित करत नवा इतिहास रचला. दीपिकाने ही स्पर्धा जिंकली नसली तरी उपांत्य फेरीपर्यंत ती या स्पर्धेत टिकून राहिली.
मिस युनिव्हर्स स्पर्धेत सहभागी होण्याचे काही निकष नुकतेच बदलण्यात आले आहेत. आता विवाहित, घटस्फोटित, प्लस साइज, ट्रान्स वुमन अशा श्रेणीतील महिलाही या स्पर्धेत भाग घेऊ शकतात. या स्पर्धेत थायलंडची मॉडेल अँटोनिया पोर्सिल्ड ही उपविजेती ठरली. तसेच ऑस्ट्रेलियाच्या मोराया विल्सनने तिसरे स्थान पटकावले आहे.
