अफगाणिस्तान तालिबानने काबीज केल्यावर सामान्य नागरिकच काय सत्तेच्या शिखरावर बसलेल्या राजनेत्यांना ही देश सोडून जाण्यास भाग पाडले आहे.राष्ट्रपती अशरफ गनी देखील सध्या यूएईच्या आश्रयामध्ये आहेत.आज आम्ही आपल्याला अफगाणिस्तानच्या माजी संचार मंत्र्यांबद्दल सांगणार आहोत, जे एकेकाळी सूट-बूट घालायचे आणि आजूबाजूला सुरक्षिततेखाली राहायचे, परंतु सध्या परिस्थिती इतकी बदलली आहे की आता ते जर्मनीच्या रस्त्यावर पिझ्झा डिलिव्हरीबॉय चे काम करताना दिसत आहेत.अल जझीरा अरबी या वृत्तसंस्थेने आपल्या ट्विटर हँडलवरून अफगाणिस्तानचे माजी आयटी मंत्री सय्यद अहमद शाह सादत यांची छायाचित्रे ट्वीट केली आहेत आणि सांगितले आहे की ते आता जर्मनीच्या लीपजींग मध्ये सायकल वरून पिझ्झा डिलिव्हरी करण्याचे काम करत आहेत. सय्यद यांचे फोटो आता सोशल मीडियावर व्हायरल होत आहेत.
मात्र, सादत यांनी गेल्या वर्षी अफगाणिस्तानच्या मंत्रिमंडळाचा राजीनामा दिला.ते 2018 पासून कॅबिनेट मंत्री होते परंतु अफगाणिस्तानच्या गनी सरकारशी मतभेद झाल्यानंतर 2020 मध्ये त्यांनी राजीनामा दिला.राजीनामा दिल्यानंतर ते जर्मनीला गेले आणि तिथेच राहू लागले.
