चीनच्या हेबेई प्रांतात पुराने कहर केला आहे. जोरदार पुरामुळे हेबेई प्रांतात आतापर्यंत 29 लोकांचा मृत्यू झाला आहे आणि इतर 16 बेपत्ता आहेत. चीनचे अधिकृत मुखपत्र ग्लोबल टाइम्सने ही माहिती दिली आहे. मीडिया रिपोर्ट्सनुसार, नैसर्गिक आपत्तीमुळे चीनच्या हेबेई प्रांताचे सुमारे 95.811 अब्ज युआनचे नुकसान झाल्याचा अंदाज आहे.
पुरामुळे हेबेई येथून 1.7 दशलक्ष लोकांना सुरक्षित स्थळी पाठवण्यात आले आहे. पुरामुळे झालेल्या नुकसानीनंतर चीनला पुनर्बांधणीसाठी सुमारे दोन वर्षे लागू शकतात. चीनचे वित्त मंत्रालय आणि आपत्कालीन व्यवस्थापन मंत्रालयाने पूरग्रस्तांसाठी 1.46 अब्ज युआनची मदत जाहीर केली आहे. बीजिंग, तियानजिन, हेबेई, जिलिन आणि हेलोंगजियांग येथील पूरग्रस्तांमध्ये ही रक्कम वितरित केली जाईल. पूर नियंत्रण आणि आपत्ती व्यवस्थापनासाठी चीनच्या केंद्र सरकारने एकूण 7.7 अब्ज युआन जारी केले आहेत. हेबेई, जिलिन आणि हेलॉन्गजियांगच्या पूरग्रस्त लोकांमध्ये वितरित केले जाईल.
