2021 मध्ये रिलीज झालेल्या कोरियन वेब सीरिज 'स्क्विड गेम'ने जगभरातील लोकांची मने जिंकली. त्यातील प्रत्येक पात्राने खूप प्रसिद्धीही मिळवली. या मेगा-हिट नेटफ्लिक्स डायस्टोपियन थ्रिलरमधील प्लेअर नंबर 1 ची भूमिका 79 वर्षीय अभिनेता ओह येओंग-सू याने साकारली होती. मात्र, आता या प्रसिद्ध अभिनेत्याच्या चाहत्यांसाठी एक वाईट बातमी आली आहे. 'स्क्विड गेम' मधील सर्वोत्कृष्ट सहाय्यक अभिनेत्याचा गोल्डन ग्लोब पुरस्कार जिंकणारा ओह येओंग-सू लैंगिक गैरवर्तनासाठी दोषी आढळला आहे. त्याला आठ महिन्यांची शिक्षाही झाली आहे.
मिळालेल्या माहितीनुसार, 2017 मध्ये एका महिलेने अभिनेत्यावर लैंगिक छळाचा आरोप केला होता. याबाबत सुवॉन जिल्हा न्यायालयाच्या सेओंगनाम शाखेने एएफपीला सांगितले की, अभिनेत्याला आठ महिन्यांच्या तुरुंगवासाची शिक्षा सुनावण्यात आली आहे.
