मुखप्रक्षालन

काकडा झाला आता मुख प्रक्षाळा । मधुनवनीत शर्करा घेऊनी आली वैदर्भी बाळा ।।ध्रु.।।

उठले श्रीहरी नवरत्न चौरंगी । भाळी रेखिला कस्तुरी टिळा चंदन सर्वांगी । सुवासिक तुळशीच्या माळा शिरी मुगुट नवरंगी ।।1।।

रत्नखचित तबकी भरल्या नवनीतशर्करा । तांबुल घेऊन सवें चालले वारिति चामरा। तये वेळी वर्णिती चारी साही अठरा ।।2।।

आपआपल्या जागी बैसली भक्तसभा दाट । आनंदे गर्जती पदी ठेवूनि लल्लाट । शुकसनकादि वसिष्ठ नारत भेटू आले नीलकंठ ।।3।।

उद्धव अक्रुर उभे राहिले जोडूनियां करा । याचक आले दान मागण्या द्यावें सर्वेश्वरा । तुकया दास भजन दे उचित नरंतरा ।।4।।