दिल्लीच्या नवीन मुख्यमंत्र्यांचे नाव अखेर बुधवारी जाहीर करण्यात आले. बुधवारी झालेल्या विधिमंडळ पक्षाच्या बैठकीनंतर भारतीय जनता पक्षाने रेखा गुप्ता यांची दिल्लीच्या नवीन मुख्यमंत्री म्हणून निवड केली आहे. त्या दिल्लीच्या चौथ्या महिला मुख्यमंत्री बनतील. मुख्यमंत्रीपदासाठी निवड झाल्यानंतर रेखा गुप्ता यांचे पहिले विधानही समोर आले आहे.
दिल्लीच्या नवीन मुख्यमंत्री म्हणून निवड झाल्याबद्दल रेखा गुप्ता यांनी भाजपच्या वरिष्ठ नेतृत्वाचे आणि विधिमंडळ पक्षाचे आभार मानले आहे. रेखा गुप्ता पुढे म्हणाल्या, "माझ्यावर विश्वास दाखवल्याबद्दल मी भाजपच्या सर्वोच्च नेतृत्वाची आणि विधिमंडळ पक्षाची आभारी आहे. दिल्लीच्या विकासाची माझी जबाबदारी पार पाडण्यास मी तयार आहे."
