जयपूर: देशातील कोरोनाची दुसरी लाट मंदावल्यानंतर तिसर्‍या लाटेची भीती व्यक्त केली जात आहे, तर कोरोनाव्हायरसच्या नव्या व्हेरियंटमुळे भीती निर्माण होत आहे.लोकांचा निष्काळजीपणा देखील दिसून येत आहे. लोकांच्या निष्काळजीपणावर देशाच्या आरोग्य मंत्रालयाने चिंता व्यक्त केली आहे.
ते म्हणाले की कोरोनाच्या तिसर्‍या लाटेचे गांभीर्य आणि त्यासंबंधित आपल्या जबाबदाऱ्यांबद्दल आपण काही समजत नाहीत. अग्रवाल म्हणाले की,मणिपूर, मिझोरम त्रिपुरा,अरुणाचल प्रदेश यासह अनेक राज्यांमध्ये कोरोना प्रकरणात वाढ दिसून येत आहे. दरम्यान राजस्थानमधून भीतीदायक बातमी समोर येत आहे.
कोरोनाव्हायरसच्या कप्पा व्हेरियंटने संक्रमित 11 रुग्ण आढळले आहेत.यामुळे चिंतेत भर पडली आहे.राज्याचे वैद्यकीय व आरोग्य मंत्री डॉ. रघु शर्मा यांनी सांगितले की, कोरोनाव्हायरसच्या कप्पा व्हेरियंटने संक्रमित 11 रुग्णांपैकी 4-4 अलवर आणि जयपूरचे,दोन बाडमेरचे आणि 1 भिलवारा येथील एक रूग्ण आहेत.जीनोम अनुक्रमणानंतर या प्रकरणांची पुष्टी झाली आहे,असे ते म्हणाले.
