या घटनेत शहरातील मनमाड चौफुली भागात असलेले जीवन हॉस्पिटल व मन्सूरा युनानी कॉलेजचे रुग्णालय या दोन ठिकाणी करोनाबाधित रुग्णांवर उपचारासाठी विलगीकरण कक्ष सुरू करण्यात आले आहेत. त्यामुळे सामान्य रुग्णालयात दाखल असणाऱ्या करोनाबाधित रुग्णांना सोयीनुसार या दोन्ही रुग्णालयांमध्ये हलविण्यात येत आहे. यानुसार एका करोनाबाधित रुग्णाला महापालिकेच्या रुग्णवाहिकेतून जीवन हॉस्पिटलला नेण्यात आले. मात्र यावर आक्षेप घेऊन जीवन ऐवजी आपल्याला मन्सूरा रुग्णालयात दाखल करावे असा आग्रह या रुग्णाने चालकाकडे धरला. रुग्णालयाच्या प्रशासनाने दिलेल्या आदेशाच्या बाहेर जाता येणार नाही असे सांगत चालकाने त्यास नकार दिला. त्यामुळे संतापलेल्या रुग्णाने चालकावर दमबाजी करायला सुरुवात केली. पुढे थेट मारहाण करत चालकाच्या अंगावरही थुंकला.
