देशातील कोरोनाच्या वाढत्या रुग्णांच्या पार्श्वभूमीवर केंद्र सरकारने सर्वसामान्यांना अधिक सतर्क राहण्यास सांगितले आहे. केंद्रीय आरोग्य मंत्रालयाच्या एका वरिष्ठ अधिकाऱ्याने सोमवारी सांगितले की, कोरोनाच्या नवीन प्रकाराचा धोका कमी आहे. त्यामुळे रुग्णालयांमध्ये दाखल होणाऱ्या रुग्णांची संख्या वाढण्याची शक्यताही कमी आहे. हे सर्व असूनही लोकांनी अधिक सावध राहण्याची गरज आहे. देशात कोरोनाचे रुग्ण वाढत आहेत, अशा परिस्थितीत आपण गाफील राहू शकत नाही.अधिकाऱ्याने सांगितले की, कोरोना व्हायरसमध्ये उत्परिवर्तन होतच असते. या त्यामुळे त्याचे नवनवीन रूपे समोर येत राहतात. आता एक नवा प्रकार समोर आला आहे.
भारत पुन्हा एकदा पाच देशांच्या यादीत सामील झाला आहे जिथे सर्वाधिक संक्रमित आढळले आहेत. रविवारी, दक्षिण कोरियामध्ये सर्वाधिक 9724 लोक संक्रमित आढळले. दुसऱ्या क्रमांकावर रशियामध्ये 9,591, जपानमध्ये 6290, फ्रान्समध्ये 6027 लोक संक्रमित आढळले. यानंतर भारतात 3,641 लोक संक्रमित आढळले.
