Buddha Purnima 2023: हिंदू धर्मात वैशाख पौर्णिमेला खूप महत्त्व आहे. यासोबतच हा दिवस बौद्ध धर्माच्या अनुयायांसाठी खूप खास आहे कारण याच दिवशी भगवान गौतम बुद्ध यांचा जन्म झाला होता. म्हणूनच वैशाख पौर्णिमेला बौद्ध पौर्णिमा किंवा बुद्ध पौर्णिमा असेही म्हणतात. यंदा बुद्ध पौर्णिमा 5 मे रोजी साजरी होणार आहे. तसेच ही बुद्ध पौर्णिमा खूप खास असेल कारण या बुद्ध पौर्णिमेला चंद्रग्रहण होत आहे. यासोबतच ग्रह आणि नक्षत्रांचा विचित्र संयोगही तयार होत आहे.
बुद्ध पौर्णिमा 2023 तारीख
हिंदू कॅलेंडरनुसार, वैशाख महिन्याच्या शुक्ल पक्षाची पौर्णिमा गुरुवार 04 मे रोजी रात्री 11.44 वाजता सुरू होईल आणि दुसऱ्या दिवशी शुक्रवारी 05 मे रोजी रात्री 11.03 वाजता समाप्त होईल. उदयतिथीनुसार, शुक्रवार, 05 मे रोजी बुद्ध पौर्णिमा साजरी केली जाईल.
बुद्ध पौर्णिमेला चंद्रग्रहण आणि सिद्धी योगासह भद्रा काल
5 मे रोजी वैशाख पौर्णिमा किंवा बुद्ध पौर्णिमेच्या दिवशीही चंद्रग्रहण होत आहे. 5 मे रोजी रात्री 8.45 ते 5 आणि 6 मे च्या मध्यरात्री 1 वाजेपर्यंत असेल. याआधी 5 मे च्या सूर्योदयापासून सकाळी 917७ पर्यंत सिद्धी योग राहील. या दिवशी स्वाती नक्षत्रही राहील. स्वाती नक्षत्र हे सकाळपासून रात्री 9:40 पर्यंत आहे. अशाप्रकारे वैशाख पौर्णिमेच्या दिवशी पूजेचा शुभ मुहूर्त सकाळी 11.51 ते दुपारी 12.45 पर्यंत आहे.
