अल्लू अर्जुन आणि रश्मिका मंदान्ना यांचा बहुप्रतिक्षित चित्रपट 'पुष्पा 2: द रुल' बाबत मोठी बातमी समोर आली आहे. काही दिवसांपूर्वी चित्रपटाची रिलीज डेट पुढे ढकलल्याची बातमी समोर आली होती. हा चित्रपट यापूर्वी या वर्षीच्या स्वातंत्र्यदिनी म्हणजेच 15 ऑगस्ट रोजी प्रदर्शित होणार होता, जो पुढे ढकलण्यात आला. तेव्हापासून चाहते चित्रपटाच्या नव्या रिलीज तारखेची आतुरतेने वाट पाहत होते. आता अखेर प्रेक्षकांच्या प्रतिक्षेला पूर्णविराम देत चित्रपटाच्या निर्मात्यांनी 'पुष्पा २' ची नवीन रिलीज डेट जाहीर केली आहे. आता हा चित्रपट या वर्षाच्या अखेरीस मोठ्या पडद्यावर रिलीज होण्यासाठी सज्ज आहे.
