तसेच FWICE ने एक निवेदन जारी करून म्हटले आहे की भारतीय कलाकार यापुढे कोणत्याही प्रकारे पाकिस्तानी कलाकार, गायक किंवा तंत्रज्ञांसोबत काम करणार नाहीत. पाकिस्तानी कर्मचाऱ्यांसोबत काम करणाऱ्या कोणत्याही सदस्यावर कारवाई केली जाईल. याशिवाय, निवेदनात असे म्हटले आहे की 'अबीर गुलाल' हा चित्रपट पाकिस्तानी अभिनेता फवाद खानसोबत बनवण्यात आला आहे, परंतु हा निर्णय त्याच्यावरही लागू होईल. 'अबीर गुलाल' भारतात प्रदर्शित होऊ नये यासाठी आम्ही सर्व आवश्यक पावले उचलू.
