वर्सोवा पोलिसांनी दिलेल्या माहितीनुसार, अभिनेता नवाजुद्दीन सिद्दीकीची आई मेहरुनिसा सिद्दीकी यांनी अभिनेत्याची पत्नी जैनबविरोधात एफआयआर दाखल केला आहे. वर्सोवा पोलिसांनी त्याला चौकशीसाठी बोलावले आहे. झैनबचा नवाजुद्दीनच्या आईसोबत वाद झाला होता. तिघांमध्ये मालमत्तेवरून वाद सुरू आहे. झैनब ही नवाजुद्दीनची दुसरी पत्नी आहे. नवाजुद्दीनची आई मेहरुनिसा सिद्दीकी यांच्या तक्रारीवरून पोलिसांनी आयपीसीच्या कलम 452,323, 504आणि 506 अंतर्गत गुन्हा दाखल केला आहे.
दरम्यान, झैनबवर आरोप आहेत की, नवाजुद्दीनच्या आईसोबत ती ज्या बंगल्यात गेली होती तिथे तिचा वाद झाला होता, त्यानंतर गुन्हा दाखल करण्यात आला आहे. नवाजुद्दीन आणि झैनब उर्फ आलिया यांचा विवाह 2010 मध्ये झाला होता. झैनब ही नवाजुद्दीनची दुसरी पत्नी आहे. लॉकडाऊन दरम्यान दोघांमध्ये मतभेद झाल्याच्या बातम्याही आल्या होत्या.
यादरम्यान दोघांनी एकमेकांवर गंभीर आरोपही केले होते. प्रकरण घटस्फोटापर्यंत पोहोचले होते. त्याचवेळी, मीडिया रिपोर्ट्सनुसार, आलियाने नवाजुद्दीनच्या कुटुंबावर मारहाणीचा आरोपही केला होता. दोघांना दोन मुलेही आहेत. नवाजुद्दीन सिद्दीकीने आपल्या आईच्या पसंतीची मुलगी शीबाशी पहिले लग्न केले. ती उत्तराखंडमधील हल्दवानी येथील रहिवासी होती. मात्र भावाने या नात्याला विरोध दर्शवला होता. यानंतर दोघे वेगळे झाले.
Edited by : Smita Joshi
