प्रसिद्ध चित्रपट दिग्दर्शक आणि पटकथा लेखक कुमार साहनी यांचे निधन झाले. वयाच्या 83 व्या वर्षी त्यांनी हे जग सोडले. 'माया दर्पण', 'तरंग', 'ख्याल गाथा' आणि 'कसबा' यांसारख्या चित्रपटांच्या दिग्दर्शनासाठी त्यांची ओळख होती. दिग्दर्शकासोबतच कुमार यांनी लेखक आणि शिक्षक म्हणूनही आपला ठसा उमटवला. त्यांच्या निधनामुळे इंडस्ट्रीत शोककळा पसरली आहे.
7 डिसेंबर 1940 रोजी लारकाना येथे जन्मलेले कुमार नंतर कुटुंबासह मुंबईत आले. पुणे फिल्म इन्स्टिट्यूटमधून त्यांनी पदवी घेतली. कुमार फ्रान्सला गेला आणि रॉबर्ट ब्रेसनला त्याच्या Une femme douce या चित्रपटासाठी मदत केली. ते दिग्दर्शक ऋत्विक घटक आणि रॉबर्ट ब्रेसन यांना आपले शिक्षक मानत. निर्मल वर्मा यांच्या कथेवर आधारित कुमार साहनी यांच्या 'माया दर्पण' या चित्रपटाला हिंदीतील सर्वोत्कृष्ट फीचर फिल्मचा राष्ट्रीय चित्रपट पुरस्कार मिळाला. कुमार यांनी 'तरंग', 'ख्याल गाथा', 'कसबा' आणि 'चार अध्याय' यांसारख्या इतर उत्कृष्ट चित्रपटांचे दिग्दर्शन केले.
