स्वतःच्या दमदार अभिनयाच्या बळावर वेगळी ओळख निर्माण करणाऱया राधिका आपटे हिचा मोठा चाहतावर्ग आहे. अभिनेत्रीच्या चित्रपटांची चाहते आतुरतेने प्रतीक्षा करत असतात. राधिका आता लवकरच ‘स्पाय एजंट’च्या भूमिकेत दिसून येणार आहे. राधिकाचा हा चित्रपट कॉमेडी धाटणीचा असणार आहे. अनुश्री मेहता यांच्याकडून दिग्दर्शित आगामी चित्रपट मिसेस अंडरकव्हर’मध्ये राधिका ही दुर्गा नावाची भूमिका साकारत आहे. ही व्यक्तिरेखा स्पाय एजंट असल्याची पार्श्वभूमी यात दर्शविण्यात आली आहे. राधिकासोबत या चित्रपटात सुमित व्यास तसेच राजेश शर्मा हे कलाकार दिसून येणार आहेत. या चित्रपटाद्वारे प्रेक्षकांचे मनोरंजन करण्यासह त्यांना मजबूत करण्याचा हा आमचा प्रयत्न आहे. हा चित्रपट एक मल्टीटास्कर हाउस वाइफची कहाणी मांडणारा असून जी घरातील कामं करण्यासह अत्यंत उत्तमप्रकारे हेरगिरी करत असल्याचे दिग्दर्शिका अनुश्री मेहता यांनी सांगितले आहे. राधिका आपटेचा हा चित्रपट ओटीटी प्लॅटफॉर्म झी5 वर प्रदर्शित होणार आहे.
Edited by : Ratnadeep Ranshoor
