सध्या ‘सिंघम 3’ आणि ‘गोलमाल 4’ या चित्रपटांच्या पुढील भागांची तयारी जोरात सुरू असून रोहित शेट्टी याचे दिग्दर्शन करणार आहे. या चित्रपटाच्या कथानकाचे काम प्रगतिपथावर असल्याचे अजय देवगण यांनी सांगितले. सध्या रोहित ‘दिलवाले’ चित्रपटाच्या कामात व्यग्र आहे. यात शाहरुख खान आणि काजोल खूप काळानंतर एकत्र काम करीत आहेत. त्यानंतर रोहित ‘राम लखन’चे शूटिंग सुरू करणार असल्यामुळे ‘सिंघम 3’ आणि ‘गोलमाल 4’ साठी आपल्याला 2017 पर्यंत वाट पाहावी लागणार आहे.