दिया मिर्झाला लहानपणापासून फिरण्याची आवड आहे. तिची आई तिला ऑस्ट्रियाचे किस्से ऐकवत असे आणि आज विएना तिचे आवडते डेस्टिनेशनपैकी एक बनले आहे. एवढेच काय, तिला या डेस्टिनेशनच्या चर्चमध्ये लग्न करण्याची इच्छा आहे. वाचा दियाच्या ट्रेव्हल डायरीमधील काही अंश.
‘सिटी ऑफ रोमान्स’ अर्थातच पॅरिस. 18 वर्षाची असताना मी पहिल्यांदा या शहरात गेले होते. एका म्युझिक व्हिडिओच्या शूटसाठी आम्ही पॅरिसला गेलो होतो. या शहाराची वैशिष्टय़े याचे आर्किटेक्चर आहे. शूट पूर्ण झाल्यानंतर मी रोड साइड कॅफेमध्ये बसून तासन् तास शहराच्या सौंदर्याचे निरीक्षण करायचे. येथील म्युझिअम, एफिल टॉवर आणि द सिक्रेट हार्ट बेजिलिकाला पाहून तुम्ही अचंबित व्हाल.