"आमच्यासाठी 'भारत माता की जय' सगळ्यात अगोदर असतं, मात्र काँग्रेसचं धोरण 'सोनिया माता की जय' असं आहे," असं वक्तव्य हरियाणाचे मुख्यमंत्री मनोहरलाल खट्टर यांनी केलं आहे. टाइम्स ऑफ इंडियानं ही बातमी दिली आहे.
हरियाणात महाराष्ट्राबरोबरच विधानसभा निवडणुका होत आहेत.
दरम्यान, काँग्रेस पक्षानं कार्यकर्त्यांसाठी राष्ट्रवाद या विषयावर प्रशिक्षणाचं आयोजन केलं आहे. या प्रशिक्षणामध्ये राष्ट्रवाद, संवाद आणि मोहीम या त्रिसूत्रीवर भर देण्यात येणार आहे.
या प्रशिक्षणादरम्यान, निवडणूक कशी लढवायची, हाही एक महत्त्वाचा मुद्दा असेल, असं ते म्हणाले.
